西營盤站

西營盤站（粵拼：saijingpunzaam；英文：Sai Ying Pun Station）系香港一鐵路車站，喺香港島西營盤，歸港鐵港島線，喺二零一五年三月廿九號啓用。站用島式月台。呢嗰站嘅B3出口將會喺2015年尾先至啓用。

二零零六年四月，地鐵公司發表西港島線最新建議方案，車站二層，地底一樓為車站大堂，地底二樓為島式月台。部份位於半山區車站出口，有高速升降機連接。

西港島線喺2014年12月28號開通，但系西營盤站重未開通。為咗回饋返西營盤居民，港鐵喺位於德輔道西、正街、般鹹道同埋皇后大道西嘅7-11便利店安裝特別優惠機，畀西營盤嘅乘客喺香港大學站或者上環站上車；不過同其他港鐵特惠站一樣，嘟卡之後可以喺同一日使用同一張八達通無限次，不過如果唔系喺呢兩個車站入閘，或者過咗嗰日，優惠自動失效。

一九六七年設計，西營盤站系港島線一站，喺皇后大道西地底，東及桂香街，西及忠正街。香港政府為減輕地鐵負債，一九八二年到一九八三年三月間，港島線地鐵公司先起一段，即上環到柴灣，以解決中西區交通嚴重擠塞，引幹諾及皇后大道西部份居民前往中區、太古及銅鑼灣。但到一九八六年港島線通車，都冇起到西營盤站。二零零三年十二月，規劃署分區計劃大綱核准圖編號，寫咗港島線德輔道西西延嘅車站位置，改喺德輔道西九十四號到一百七十號電車路地底。喺德輔道西一百一十號地面，會見到電力支站（ESS），貼有地鐵告示。鄰近嘅醫療中心，有個向德輔道西嘅密封房間，可能系未來車站出口。

之不過地鐵喺二零零二年五月，向政府遞交建議，西營盤站西移到德輔道西同水街交界嘅地底。

之不過，二零零四年三月，港鐵公司西港島線嘅初步設計，西營盤站又移向東南，喺第三街同香港佐治五世紀念公園交界地底。港鐵公司向《明報》透露，咁系避免主要街道工程，以免滋擾，亦可順勢收納半山區居民。但系，香港佐治五世紀念公園附近，有好多特色嘅石牆樹，居民擔心港鐵會軟老樹，當地區議員發起「地鐵到我家，老樹不搬家」運動，要求地鐵公司施工，要保護該處石牆樹。

二零零五年六月建議，西營盤站系港島線延伸段，即系西港島線一車站。而非較早前建議，南區鐵路支線轉車站。該支線當時亦叫西港島線。