平水尺

平水尺系用來度睇下一個面系咪水平或垂直，即系用來度平水。呢種尺系響好多做工程嘅人都要用到，例如鬥木佬，泥水佬，測量員等等。

平水尺最主要系兩條裝住有色酒精嘅細玻璃管，一條度水平，一條度垂直。兩條管一橫一直鑲響一條長方體嘅尺上面。酒精管中間個肚微微凸出，個肚兩邊有劃咗兩平行條線，裏面有一個汽泡。要度嗰陣，將尺貼實個面上面。兩條管其中一個泡就會移向中間，如果個泡系啱啱好響兩條線中間，咁個面就係水平或垂直。一條準嘅平水尺，可以將角度誤差細到5秒。

平水尺因為系用乙醇酒精，所以就算天氣好凍都唔怕，因為佢個冰點系−114 °C。