葛明銘

1987年5月創辦廣播系列小品《滑稽王小毛》，自任編輯導演，並主持“王小毛信箱”，播出小品近千集，還被改編成電視小品、舞台劇、連環畫等各種藝術樣式。1998年在“中學生版”開“王小毛俱樂部”專欄，在國際互聯網上開設“滑稽王小毛”網站。編著出版了28萬字的《與王小毛共舞》一書，另有發表小説、散文、專訪、文藝評、滑稽戲、戲劇小品，電視短劇共60多萬字。《滑王小毛》二度榮獲上海廣電局“優秀創新欄目”，全國戲曲廣播節目評比一等獎，上海人民廣播電台十佳欄目等稱號。1991年被中華全國新聞工作者協會授予的“全國優秀新聞工作者”稱號，1997年被評為上海人民廣播電台十佳節目主持人

上海電台戲劇曲藝頻率（中波1197，調頻97.2）12月11日18點播出的《王小毛信箱》，聽一下葛明銘老師是怎樣評論的。

記得讀中學個辰光學過一篇課文，題目叫《最後一課》，講個是第一次世界大戰期間，德國人佔用了法國一部分領土，佔領以後就規定：學堂裏要廢止法文要開始教德文，第二天就要實行，一個法文老師忒學生上最後一趟法文課，本來這點小朋友儕是調皮搗蛋，惹老師生氣，而搿天大家認真得勿得了，安安靜靜聽老師上課，最後老師了了結束講課之前了黑板高頭下仔五個大字，“法蘭西萬歲”。 搿篇課文經典個，現在中學課本里還是保留了了。 當時讀搿篇課文讓我尼覺着一個民族語言是幾乎重要啊，當一個民族勿能夠使用本民族語言辰光是幾乎痛苦啊！當儂勿能夠用本土語言進行交流個辰光搿個民族也差勿多了。

前幾天了徐州參加了閔台語展覽館，看到了介紹了當年“甲午戰爭”中國戰敗，被迫簽訂了《馬關條約》，拿台灣割讓拔了日本，日本人就了台灣個學堂推行了日語，禁止了漢語、禁止閩南語，伊拉就想從語言方面拿台灣割讓出去。 一個地方連自家個民族語言都勿準講、麼資格講，搿個民族也真個消亡了。

現在我尼生處和平時代，用勿着擔心外國人到中國來禁止阿拉民族語言。 但中國閒話是個大概念，是個統稱，中國語言包括漢語、少數民族語言，而漢語又包括官方推廣個普通話忒各地方言，其他方言前景哪能，我不得而知，單講阿拉天天要用個上海閒話，居然是危機重重、前景堪憂啊！ 危機來自兩個方面：

（1）大量個外地人口進入上海，立老腳跟個我尼稱為“新上海人”，麼立老腳跟個稱為“流動人口”，伊拉忒舊社會20世紀初進入上海個勿一樣，當年廣東人就是一口廣東閒話，寧波人就是一口直瓜挺硬個寧波閒話，蘇北人一口高亢個蘇北話，踏進上海以後要麼就是堅持講自家個方言，就像人家老寧波，生活了幾十年了還是一口寧波閒話，還有一種就是學一口地地道道個上海閒話，而且勿管上海閒話學了像勿像，已經有上海閒話字句了，形成一個地區個認同感。 但現在進入上海個外地人勿一樣了，絕大多數儕不急於學上海閒話，而且又勿堅持自家個當地方言，勿管阿里，伊拉當地方言儕勿講了，儕講普通話，而且偏偏就是勿肯學你們上海閒話，一開始人還勿多、勢力勿大，上海本地人還勿大肯欠求伊拉，但是到了外來人數量龐大個辰光，上海人只好欠求伊拉了，跟老仔伊拉一道講普通話。 各麼外地人為啥頭頸軋硬類，因為有靠山，舊上海因為麼推廣普通話個政策、靠山，所以只好向上海人學上海閒話，當然勿學上海閒話上海人也勿會的趕伊拉走個，上海人是最講包容、最講寬容、海納百川。 各麼現在已經立老腳跟個外地人頭頸為啥軋硬，因為伊拉有的官方推廣普通話個政策作為後盾，上海人麼已經理勿狀、氣勿粗，有點矮人三分個感覺，再講國家號召要響應，上海人麼一向是最聽國家個號召、國家個響應，大量個外地人到上海對上海方言個衝擊、壓制相當大。

（2）另外一個危機就是上海個小囡從小就勿會講上海閒話，張口就是普通話，啥道理呢？學堂裏廂規定要講普通話，學堂裏講習慣了忒自家爸爸媽媽等長輩也講普通話。 國家推廣普通話個政策絕對是正確個，再經過教育部門強烈執行，甚至還牽涉到了老百姓的家庭用語當中。 21世紀初出生個小朋友上海閒話已經講勿來了，我尼曉得，現在大多數儕是“小太陽”式個家庭，小囡就是小太陽，長輩儕是猩猩，圍老小囡做，小囡要講普通話，大人麼辦法，只好跟老一道講，連得長了年紀個祖輩普通話講勿立起個只好跟老孫輩一道講。 還有就是大力推廣普通話個當中，有相當一部分人認為，普通話講出去蠻高檔個、蠻有身份個，講上海閒話像低人一等一樣，俗氣一樣，竟然形成了這種錯誤個觀念，造成上海人講上海閒話越來越缺乏自信、越來越缺乏底氣。 而外來人口到上海來生活、學習、工作越來越勿願意學習上海閒話了，因為伊拉認為我到上海來國家是支持阿拉講普通話個，阿拉有推廣普通話個堅強後盾，所以你們上海人必須跟老阿拉一道講普通話。 ^[1]