芷珊約您

黎芷珊透露節目構思起點源於疫情過後、自己私心想出國旅遊順道拍攝節目，難怪芷珊亦笑指是“自肥”之作：“以往做開嘅訪談節目多數坐定定，但系依家觀眾要求愈嚟愈高，多啲畫面會更加吸引，所以就諗有咩形式嘅訪談節目可以飛去唔同地方呢？加上歌手系列我未做過，所以就諗到需要周圍飛嘅巡迴演唱會。”芷珊不諱言邀約歌手期間食盡檸檬，原因與“紀錄片”拍攝形式有關：“有啲歌手嚇親，因為全程要跟住，但我就係想有變化，所以最終唔成事。同埋嗰陣系疫情尾聲，有啲歌手仲會戴口罩，同埋除咗開騷其餘時間都留喺酒店，比較難配合拍攝。”加上每位歌手檔期不同，演唱會後台又多“神秘禁地”，洽談過程絕對是一大挑戰，芷珊説：“雖然台後好多嘢拍，但有啲嘢唔穿得，要一路同嘉賓嗰邊傾。”

節目會以跟拍形式貼身直擊7大歌手/組合，包括有張敬軒、楊千嬅、王嘉爾、温拿、草蜢、許志安及陳慧琳，並跟着他們先後走訪紐約、上海、澳門、馬來西亞、高雄、及廣州等不同地方，舉行世界巡迴演唱會時台上台下的珍貴點滴。

當中千嬅和許志安（安仔）更會百分百坦蕩蕩分享之前遇到事業低谷時的真實感受、及如何克服逆境，有血有汗有洋葱！早前在許志安的一集的預告片中，安仔首度剖白2019年經歷低潮期後的衝擊，並坦言是“一世的傷疤”，甚至因此對歌唱事業失去期望。此外，張敬軒一集，芷珊與軒仔坐在紐約的Limo（豪華轎車）上閒話家常，大嘆香檳，勁Chill！

節目“咩都有得睇”，訪談內容除圍繞事業、家庭、私人生活，還會探討社會話題。談到為何能贏得如此多藝人信任，芷珊笑指除了事前要花功夫做功課，對受訪者有深入及清晰的瞭解外，還必須與對方事前有充分溝通：“我訪問前會再同渠哋傾嚇偈先，畀渠哋知我慨方向系點、希望件事出嚟系點，等渠哋有信心，就會好放心、好坦白銜同我盡訴心中情。”

主持：黎芷珊

張敬軒、楊千嬅、王嘉爾、温拿、草蜢、許志安、陳慧琳

2024年4月21日翡翠台首播。 ^[1]