最真的感覺

仍然不知道在那日那年

不知不覺的跟你愛上這闕歌

人全是為了聽到曲中情而過

一生一次真的快樂過

如何心失控在某日某時

不知不覺的跟上了你的拍子

腦海中又會演奏某段情節

一生一次跟戀愛示意

如何心失控在某日某時

不知不覺口中掛滿你的名字

每一天為你加添温馨情意

一生一次跟戀愛示意

(無人能代你給我多點情意)

(一心一意真的愛戀這一次)

這感覺　全是最真感覺

從前活着卻不知道是為誰而生

今天完全無助被你捆縛一顆心

也不能多過問

如何心失控在某日某時

不知不覺口中掛滿你的名字

每一天為你加添温馨情意

一生一次跟戀愛示意

無人能代你給我多點情意

一心一意真的愛戀這一次 ^[1] 

DICKY：我中意黎呢間酒店嘅coffee shop中意呢度，呢一個時間，好少人，唔會吵。甘我可以好留心甘聽距彈鋼琴。我坐過呢度每一張台，試過從每一個唔同角度黎欣賞距。距每一次都會彈呢首音樂，而每一次我都會聽到距有唔同嘅心情葛。呢感覺好微妙。唔記得幾時開始，我拎起我支筆，聽住距彈嘅琴聲，譜上我嘅歌詞。

DICKY：每次距彈到呢個位，一定會合埋雙眼，好陶醉甘演繹。我感覺到距今日心情好開心，而我照舊靜靜行埋去鋼琴度。系唔同角度好近甘欣賞距。系距睜開眼之前，我又借D椅，翻翻去張台度。其實咩都系假嘅，能夠認識到距先系最真葛。我不其然甘跟住個拍子，摞起支筆，敲住杯邊。距竟然望過黎，對住我笑喔。

DICKY：距跟住走過黎，自我介紹，原來距個名幾好聽葛喔。我請距坐低，幫距叫左杯野飲。跟住大家就傾得好投契。我俾距睇我為距音樂譜上嘅歌詞，距好中意，話終於揾到個知音人。我問距明唔明白歌詞嘅意思吖，距無出聲，只系點下頭，眯眯嘴甘笑。果種感覺真繫好甜，原來，距明白我示愛嘅意思。

DICKY：原來一切美麗嘅開始就係我可以認識到距。可惜一切美麗嘅幻想，隨住距彈埋呢一個音樂嘅尾段我就要醒過黎，然後我就發覺所有感覺都系假葛。因為我始終都無機會認識到距。趁距未但到最尾果個音，睜開雙眼之前，我想最後再好近甘睇真距多一眼，然後再翻翻埋張台度。 死喇，粒衫鈕卡左繫個琴蓋度添……

女：HI先生，你想點歌？