仲有

錯寫成「仲」，系出於香港娛樂記者嘅手筆，竟然傳到通街都系，實在可憐。終於傳到互聯網，互聯網嘅傳播速度比報紙雜誌快好多倍。好彩我都重見到有人用「重」，不過就真系比較少喇。

「仲」字一般解作「居中」，表示系中間嘅位置。最常見嘅系用嚟表示每季嘅第二個月，例如春季第一個月叫做「孟春」，第二個月就叫做「仲春」。同一道理，秋季嘅第二個月，就係「仲秋」了。至於古時兄弟姊妹之間，排行第一嘅叫做「伯」，排第二嘅就叫做「仲」嘞。

錯寫成「仲」，是出於香港娛樂記者的手筆，竟然傳到到處都是，實在可憐。終於傳到互聯網，互聯網的傳播速度比報紙雜誌快好多倍。幸好我都還見到有人用「重」，不過就真是比較少喇。

「仲」字一般解作「居中」，表示在中間的位置。最常見的是用來表示每季的第二個月，例如春季第一個月叫做「孟春」，第二個月就叫做「仲春」。同一道理，秋季的第二個月，就是「仲秋」了。至於古時兄弟姊妹之間，排行第一的叫做「伯」，排第二的就叫做「仲」嘞。

「重」字讀 zung6 [同音字: 頌] 時，有「再」、「還」嘅意思。其實呢個音義相當之古雅。

《爾雅·釋天》：「太歲在辛曰重光。」呢個「重光」唔系讀「從光」，因為唔系暗而復光，而系「更加光」，所以應該讀做「頌光」。所以〈釋文〉話，「重」字讀「直龍切」(即zung6)。

《樂府》：「行行重行行，與君生別離。」呢一句詩唔用廣府音嚟讀唔得。「行行」讀做「行街」嘅「行」。──呢個音見於《廣韻》，下夏切，即系haang4音。解為「行跡」。「行行」，系一路行，愈行愈遠，「重行行」，即更加行，噉先顯得出「與君相別離」嘅無可奈何。

屈原《離騷》：「紛吾既有此內美兮，又重之以修能。」意思即系屈原既有此內在之美質，還更有絕遠之能耐。

漢朝嘅王逸喺解釋《離騷》此文時，就話：「內含天地之美氣，又重有絕遠之能。」王逸呢一句「重有絕遠之能」，同我哋今日所講嘅：「重有最靚豬腩肉」，喺句式結構上並無二致。

宋朝嘅洪興祖解釋《離騷》「重」字嘅時候話：「『重』，儲用切，再也，非輕重之重。」可見《離騷》呢句「重」字應讀去聲，正系「再次」嘅意思。